濕疹=有食物過敏？

成日聽到有濕疹嘅人，話呢樣唔食得、但果樣又可以食。咁濕疹患者係咪需要戒口？有食物過敏就一定會有濕疹？

濕疹係指一種發紅、水腫、痕癢同乾燥嘅皮膚炎。按性質主要分為急性同慢性濕疹，而成因係由多項唔同原因互相影響而成；當中包括自身嘅過敏體質、皮膚保護同修復能力等等。

雖然濕疹嘅成因未必係直接由食物造成，但係濕疹同食物過敏係息息相關。有研究指出，有近50%嘅濕疹患者同時有唔同類型嘅食物過敏；而因應濕疹病情嘅嚴重性，食物過敏嘅風險亦會隨之增加。

不過，亦都有部份濕疹患者，其實並無任何食物過敏。如果自行戒口，除咗唔會對濕疹病情有正面影響之外，更有可能導致營養不良。所以大家要認清楚，究竟有邊類食物唔食得，以制定個人化嘅飲食計劃，避免病情惡化。