胡亂戒絕各種食物，影響過敏兒童成長？

過敏係香港人常見嘅疾病。根據香港過敏協會資料，估計香港有8%人口有食物過敏。

而對於有過敏情況嘅兒童，食物敏感更係直接影響佢哋嘅成長發展。根據中大醫學院研究指出，食物致敏源大部份來自蛋白質豐富嘅食物，例如魚類可以提供奧米加3脂肪酸及不同礦物質，對兒童成長同腦部發展甚有益處。而牛奶亦含有鈣質同維他命D，影響兒童嘅骨質密度同體格發展。

如果家長以為小朋友對某種食物產生過敏，就自行為佢戒絕某種食物，將會造成營養不良，引發潛在嘅健康危機。所以清楚了解小朋友有咩唔食得，再從不含致敏原既食物中攝取缺乏既營養，為小朋友製作個人化飲食計劃，佢就可以健康成長。