【應唔應該比獎勵氹細路？】
好多父母都會對自己仔女有唔同嘅教育方針。獎勵就係其中一種。好多時家長會用獎勵去吸引小朋友，希望佢哋能夠變乖，或者將件事做得好。但係呢種方式有冇問題呢？細路仔又會唔會依賴獎勵去完成每件事呢？
獎勵嘅制度，無疑係幫到好多家長去教育自己仔女。但如果唔正確使用，變相就會害左佢地。因為小朋友會好容易對獎勵有依賴心，抱着一種「有好處就做，冇好處就唔做」嘅錯誤心理。逐漸佢地就會拒絕，或者唔情願去做事，而家長往往只能用更大嘅獎勵去繼續吸引小朋友。
其實要正確咁獎勵小朋友，需要以下原則：
- 超越能力範圍嘅事情可以獎賞
如果小朋友做出一啲超出自己能力範圍以外嘅事，咁家長就可以比小朋友一定嘅獎勵。因為咁樣能夠激發佢地嘅自信心，做一啲超越自己嘅事。
- 份內事情唔可以獎賞
家長必須有原則，區分邊一啲係份內事情。令到小朋友覺得唔係任何事情都會得到獎勵。份內事就係要做好，咁樣先能夠培養自我責任感。
- 多用讚賞代替物質獎勵
好多時候家長會選擇以物質作為獎勵方式。例如玩具、零食、甚至金錢。呢類型嘅獎勵好容易令小朋友出現勢利心理，其實簡單一句讚賞，已經可以令佢地獲得肯定，不斷進步。家長亦都冇咁大壓力同煩惱去選擇物質獎勵。
- 獎勵程度要收放自如
即使係選擇物質獎勵，家長都要識得收放自如，唔可以盲目滿足小朋友嘅要求。因為一旦養成習慣，小朋友就會要求更高層次嘅禮物。
其實每個家長都有自己嘅一套教育方式。最重要都係明白自己小朋友嘅性格特點，再加以調整方針。想明白獎勵依賴心，或者其他性格特點，咁就要幫小朋友進行寶庫基因測試，好好了解啦！
傳送門：https://22plus.com/service_type/genetic-test/
資料來源：每日頭條
#APangeniaCompany #22PLUS #快樂有因 #HK #HongKong #健康 #小知識 #Health #Care #香港
#基因 #天賦 #DNA #DNAYourLife #LoveYourself#Talent #性格 #體質
#交友 #陪伴 #父母 #人際關係 #學校 #相處 #社會 #應對能力 #適應能力 #獎勵依賴心